Поемый во всякой скорби душевной и обстоянии
Tворение Феостирикта монаха
Тропaрь Богородице, глас 4
К Богородице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Владычице, помози́, на ны́ милосе́рдовавши, потщи́ся, погибáем от мно́жества прегреше́ний, не отврати́ Твоя́ рабы́ тщи, Тя бо и еди́ну наде́жду и́мамы. (Дважды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Не умолчи́м никогда́, Богородице, си́лы Твоя́ глаго́лати, недосто́йнии: áще бо Ты не бы́ предстоя́ла моля́щи, кто бы нас избáвил от толи́ких бед, кто же бы сохрани́л до ныне свобо́дны? Не отсту́пим, Владычице, от Тебе́: Твоя бо рабы́ спасáеши при́сно от вся́ких лю́тых.
Псалом 50
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипáче омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз знáю, и грех мой предо мно́ю есть вы́ну. Тебе́ еди́ному согреши́х и лукáвое пред Тобо́ю сотвори́х; я́ко да оправди́шися во словесе́х Твои́х, и победи́ши внегдá суди́ти Ти. Се бо, в беззако́ниих зачáт есмь, и во гресе́х роди́ мя мáти моя. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и пáче сне́га убелю́ся. Слу́ху моему́ дáси рáдость и весе́лие; возрáдуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Святáго не отыми́ от мене́. Возд́aждь ми рáдость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Избáви мя от крове́й, Бо́же, Бо́же спасе́ния моего́; возрáдуется язы́к мой пра́вде Твое́й. Го́споди, устне́ мои́ отве́рзеши, и устá моя́ возвестя́т хвалу́ Твою́. Яко áще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожигáемая; тогда́ возложáт на олтáрь Твой тельцы́.
Канон ко Пресвятой Богородице, глас 8
Песнь 1
Ирмо́с: Во́ду проше́д яко су́шу, и еги́петскаго зла избежáв, изрáильтянин вопия́ше: Избáвителю и Бо́гу на́шему пои́м.
Припев: Пресвята́я Богоро́дице, спаси́ нас.
Мно́гими содержи́мь напáстьми, к Тебе́ прибега́ю, спасе́ния иски́й: о, Мáти Сло́ва и Де́во, от тя́жких и лю́тых мя спаси́.
Припев: Пресвята́я Богоро́дице, спаси́ нас.
Страсте́й мя смущáют прило́зи, мно́гаго уны́ния испо́лнити мою ду́шу; умири́, Отрокови́це, тишино́ю Сы́на и Бо́га Твоего́, Всенепоро́чная.
Сла́ва Отцу́ и Сы́ну и Свято́му Ду́ху.
Спáса ро́ждшую Тя и Бо́га, молю́, Де́во, избáвитися ми лю́тых: к Тебе́ бо ны́не прибегáя, простирáю и ду́шу и помышле́ние.
И ны́не и при́сно и во ве́ки веко́в. Ами́нь.
Неду́гующа те́лом и душе́ю, посеще́ния Боже́ственнаго и промышле́ния от Тебе́ сподо́би, еди́на Богомáти, яко блага́я, Благáго же Роди́тельница.
Песнь 3
Ирмо́с: Небе́снаго кру́га Верхотво́рче, Го́споди, и Це́ркве Зижди́телю, Ты мене́ утверди́ в любви́ Твое́й, желáний крáю, ве́рных утвержде́ние, еди́не Человеколю́бче.
Пресвята́я Богоро́дице, спаси́ нас.
Предстáтельство и покро́в жи́зни моея́ полагáю Тя, Богороди́тельнице Де́во: Ты мя окорми́ ко пристáнищу Твоему́, благи́х вино́вна; ве́рных утвержде́ние, еди́на Всепе́тая.
Пресвята́я Богоро́дице, спаси́ нас.
Молю́, Де́во, душе́вное смуще́ние и печа́ли моея́ бу́рю разори́ти: Ты бо, Богоневе́стная, нача́льника тишины́ Христа́ родилá еси́, еди́на Пречи́стая.
Сла́ва Отцу́ и Сы́ну и Свято́му Ду́ху.
Благоде́теля ро́ждши до́брых вино́внаго, благодея́ния бога́тство всем источи́, вся бо мо́жеши, яко си́льнаго в кре́пости Христа́ ро́ждши, Богоблаже́нная.
И ны́не и при́сно и во ве́ки веко́в. Ами́нь.
Лю́тыми неду́ги и боле́зненными страстьми́ истязáему, Де́во, Ты ми помози́: исцеле́ний бо неоску́дное Тя зна́ю сокро́вище, Пренепоро́чная, неиждивáемое.
Спаси́ от бед рабы́ Твоя́, Богоро́дице, яко вси по Бо́зе к Тебе́ прибегáем, яко неруши́мей стене́ и предстáтельству.
При́зри благосе́рдием, всепе́тая Богоро́дице, на мое́ лю́тое телесе́ озлобле́ние, и исцели́ души́ моея́ боле́знь.
Тропарь, глас 2
Моле́ние те́плое и стенá необори́мая, ми́лости исто́чниче, ми́рови прибе́жище, приле́жно вопие́м Ти: Богоро́дице Влады́чице, предвари́, и от бед избáви нас, еди́на вско́ре предстáтельствующая.
Песнь 4
Ирмо́с: Услы́шах, Го́споди, смотре́ния Твоего́ тáинство, разуме́х дела́ Твоя́ и прослáвих Твое́ Божество́.
Пресвята́я Богоро́дице, спаси́ нас.
Страсте́й мои́х смуще́ние, ко́рмчию ро́ждшая Го́спода, и бу́рю ути́ши мои́х прегреше́ний, Богоневе́стная.
Пресвята́я Богоро́дице, спаси́ нас.
Милосе́рдия Твоего́ бе́здну призывáющу подáждь ми, Яже Благосе́рдаго ро́ждшая и Спáса всех пою́щих Тя.
Пресвята́я Богоро́дице, спаси́ нас.
Наслаждáющеся, Пречи́стая, Твои́х даровáний, благодáрственное воспевáем пе́ние, ве́дуще Тя Богомáтерь.
Сла́ва Отцу́ и Сы́ну и Свято́му Ду́ху.
На одре́ боле́зни моея́ и не́мощи низлежáщу ми, яко Благолюби́ва, помози́, Богоро́дице, еди́на Присноде́во.
И ны́не и при́сно и во ве́ки веко́в. Ами́нь.
Наде́жду и утвержде́ние и спасе́ния сте́ну недви́жиму иму́ще Тя, Всепе́тая, неудо́бства вся́каго избавля́емся.
Песнь 5
Ирмо́с: Просвети́ нас повеле́нии Твои́ми, Го́споди, и мы́шцею Твое́ю высо́кою Твой мир подáждь нам, Человеколю́бче.
Пресвята́я Богоро́дице, спаси́ нас.
Испо́лни, Чи́стая, весе́лия се́рдце мое́, Твою́ нетле́нную даю́щи ра́дость, весе́лия ро́ждшая вино́внаго.
Пресвята́я Богоро́дице, спаси́ нас.
Избáви нас от бед, Богоро́дице чи́стая, ве́чное ро́ждши избавле́ние, и мир, всяк ум преиму́щий.
Сла́ва Отцу́ и Сы́ну и Свято́му Ду́ху.
Разреши́ мглу прегреше́ний мои́х, Богоневе́сто, просвеще́нием Твоея́ све́тлости, Свет ро́ждшая Боже́ственный и преве́чный.
И ны́не и при́сно и во ве́ки веко́в. Ами́нь.
Исцели́, Чи́стая, души́ моея́ неможе́ние, посеще́ния Твоего́ сподо́бльшая, и здрáвие моли́твами Твои́ми подáждь ми.
Песнь 6
Ирмо́с: Моли́тву пролию́ ко Го́споду, и Тому́ возвещу́ печа́ли моя́, яко зол душа́ моя́ испо́лнися, и живо́т мой а́ду прибли́жися, и молю́ся яко Ио́на: от тли, Бо́же, возведи́ мя.
Пресвята́я Богоро́дице, спаси́ нас.
Сме́рти и тли я́ко спасл есть, Сам Ся издáв сме́рти, тле́нием и сме́ртию мое́ естество́, я́то бы́вшее, Де́во, моли́ Го́спода и Сы́на Твоего́, враго́в злоде́йствия мя избáвити.
Пресвята́я Богоро́дице, спаси́ нас.
Предстáтельницу Тя живота́ вем и храни́тельницу тве́рду, Де́во, и напáстей решáщу молвы́, и нало́ги бесо́в отгоня́ющу; и молю́ся всегда́, от тли страсте́й мои́х избáвити мя.
Сла́ва Отцу́ и Сы́ну и Свято́му Ду́ху.
Яко сте́ну прибе́жища стяжáхом, и душ всесоверше́нное спасе́ние, и прострáнство в ско́рбех, Отрокови́це, и просвеще́нием Твои́м при́сно рáдуемся: о, Влады́чице, и ны́не нас от страсте́й и бед спаси́.
И ны́не и при́сно и во ве́ки веко́в. Ами́нь.
На одре́ ны́не немощству́яй лежу́, и несть исцеле́ния пло́ти мое́й: но, Бога и Спáса ми́ру и Избáвителя неду́гов ро́ждшая, Тебе́ молю́ся, Благо́й: от тли неду́г возстáви мя.
Кондaк, глас 6
Предстáтельство христиа́н непосты́дное, ходáтайство ко Творцу́ непрело́жное, не пре́зри гре́шных моле́ний глáсы, но предвари́, яко Благáя, на по́мощь нас, ве́рно зову́щих Ти; ускори́ на моли́тву, и потщи́ся на умоле́ние, предстáтельствующи при́сно, Богоро́дице, чту́щих Тя.
Другой кондaк, глас тот же
Не и́мамы ины́я по́мощи, не и́мамы ины́я наде́жды, ра́зве Тебе, Пречи́стая Дево. Ты нам помози́, на Тебе́ наде́емся, и Тобо́ю хвáлимся, Твои́ бо есмы́ рабы́, да не постыди́мся.
Стихира, глас тот же
Не вве́ри мя челове́ческому предстáтельству, Пресвята́я Влады́чице, но приими́ моле́ние раба Твоего́: скорбь бо обдержи́т мя, терпе́ти не могу́ де́монскаго стреля́ния, покро́ва не и́мам, ниже́ где прибе́гну, окая́нный, всегда́ побеждáемь, и утеше́ния не и́мам, ра́зве Тебе, Влады́чице ми́ра, уповáние и предстáтельство ве́рных, не пре́зри моле́ние мое́, поле́зно сотвори́.
Песнь 7
Ирмо́с: От Иуде́и доше́дше о́троцы, в Вавило́не иногдá, ве́рою Тро́ическою плáмень пе́щный попрáша, пою́ще: отце́в Боже, благослове́н еси́.
Пресвята́я Богоро́дице, спаси́ нас.
На́ше спасе́ние я́коже восхоте́л еси́, Спáсе, устро́ити, во утро́бу Де́выя всели́лся еси́, Юже ми́ру предстáтельницу показа́л еси́: оте́ц наших Бо́же, благослове́н еси́.
Пресвята́я Богоро́дице, спаси́ нас.
Воли́теля ми́лости, Его́же родилá еси, Мáти чи́стая, умоли́ избáвитися от прегреше́ний и душе́вных скверн ве́рою зову́щим: оте́ц наших Бо́же, благослове́н еси́.
Сла́ва Отцу́ и Сы́ну и Свято́му Ду́ху.
Сокро́вище спасе́ния и Исто́чник нетле́ния, Тя ро́ждшую, и столп утвержде́ния, и дверь покая́ния, зову́щим показа́л еси́: оте́ц наших Бо́же, благослове́н еси́.
И ны́не и при́сно и во ве́ки веко́в. Ами́нь.
Теле́сныя сла́бости и душе́вныя неду́ги, Богороди́тельнице, любо́вию приступáющих к кро́ву Твоему́, Де́во, исцели́ти сподо́би, Спáса Христа́ нам ро́ждшая.
Песнь 8
Ирмо́с: Царя́ Небе́снаго, Его́же пою́т во́и áнгельстии, хвали́те и превозноси́те во вся ве́ки.
Пресвята́я Богоро́дице, спаси́ нас.
По́мощи я́же от Тебе́ тре́бующия не пре́зри, Де́во, пою́щия и превознося́щия Тя во ве́ки.
Пресвята́я Богоро́дице, спаси́ нас.
Неможе́ние души́ моея́ исцеля́еши и теле́сныя боле́зни, Де́во, да Тя прослáвлю, Чи́стая, во ве́ки.
Сла́ва Отцу́ и Сы́ну и Свято́му Ду́ху.
Исцеле́ний бога́тство изливáеши ве́рно пою́щим Тя, Де́во, и превознося́щим неизрече́нное Твое́ рождество́.
И ны́не и при́сно и во ве́ки веко́в. Ами́нь.
Напaстей Ты прилоги отгоняеши и страстей находы, Дево: темже Тя поем во вся веки.
Песнь 9
Ирмо́с: Вои́стинну Богоро́дицу Тя испове́дуем, спасе́ннии Тобо́ю, Де́во Чи́стая, с безпло́тными ли́ки Тя величáюще.
Пресвята́я Богоро́дице, спаси́ нас.
То́ка слез мои́х не отврати́ся, Яже от вся́каго лица́ вся́ку сле́зу отъе́мшаго, Де́во, Христа́ ро́ждшая.
Пресвята́я Богоро́дице, спаси́ нас.
Ра́дости мое́ се́рдце испо́лни, Де́во, Яже ра́дости прие́мшая исполне́ние, грехо́вную печа́ль потребля́ющи.
Пресвята́я Богоро́дице, спаси́ нас.
Пристáнище и предстáтельство к Тебе́ прибегáющих бу́ди, Де́во, и стена́ неруши́мая, прибе́жище же и покро́в и весе́лие.
Сла́ва Отцу́ и Сы́ну и Свято́му Ду́ху.
Све́та Твоего́ заря́ми просвети́, Де́во, мрак неве́дения отгоня́ющи, благове́рно Богоро́дицу Тя испове́дающих.
И ны́не и при́сно и во ве́ки веко́в. Ами́нь.
На ме́сте озлобле́ния не́мощи смири́вшагося, Де́во, исцели́, из нездрáвия во здрáвие претворя́ющи.
Стихиры, глас 2
Вы́сшую небе́с и чи́стшую све́тлостей со́лнечных, избáвльшую нас от кля́твы, Влады́чицу ми́ра пе́сньми почти́м.
От мно́гих мои́х грехо́в немощству́ет те́ло, немощству́ет и душа́ моя́; к Тебе́ прибегáю, Благодáтней, наде́ждо ненаде́жных, Ты ми помози́.
Влады́чице и Мáти Избáвителя, приими́ моле́ние недосто́йных раб Твои́х, да ходáтайствуеши к Ро́ждшемуся от Тебе́; о, Влады́чице ми́ра, бу́ди Ходáтаица!
Пое́м приле́жно Тебе́ песнь ны́не, всепе́той Богоро́дице, рáдостно: со Предте́чею и все́ми святы́ми моли́, Богоро́дице, е́же уще́дрити ны.
Вся áнгелов во́инства, Предте́че Госпо́день, апо́столов двоенадеся́тице, святи́и вси с Богоро́дицею, сотвори́те моли́тву, во е́же спасти́ся нам.
Молитвы ко Пресвятой Богородице
Пресвята́я Богоро́дице, спаси́ мя.
Цари́це моя́ преблагáя, наде́ждо моя́ Богоро́дице, прия́телище си́рых и стра́нных предстáтельнице, скорбя́щих рáдосте, оби́димых покрови́тельнице! Зри́ши мою́ беду́, зри́ши мою́ скорбь, помози́ ми я́ко не́мощну, окорми́ мя я́ко стрáнна. Оби́ду мою́ ве́си, разреши́ ту, я́ко во́лиши: я́ко не и́мам ины́я по́мощи ра́зве Тебе́, ни ины́я предстáтельницы, ни благи́я уте́шительницы, то́кмо Тебе́, о Богомáти, я́ко да сохрани́ши мя и покры́еши во ве́ки веко́в. Ами́нь.
К кому́ возопию́, Влады́чице? К кому́ прибе́гну в го́рести мое́й, áще не к Тебе́, Цари́це Небе́сная? Кто плач мой и воздыхáние мое́ прии́мет, áще не Ты, Пренепоро́чная, наде́ждо христиа́н и прибе́жище нам гре́шным? Кто пáче Тебе́ в напáстех защити́т? Услы́ши у́бо стенáние мое́, и приклони́ у́хо Твое́ ко мне, Влады́чице Мáти Бо́га моего́, и не пре́зри мене́, тре́бующаго Твоея́ по́мощи, и не отри́ни мене́, гре́шнаго. Вразуми́ и научи́ мя, Цари́це Небе́сная; не отступи́ от мене́, раба́ Твоего́, Влады́чице, за роптáние мое́, но бу́ди мне Мáти и засту́пница. Вручáю себе́ ми́лостивому покро́ву Твоему́: приведи́ мя гре́шнаго к ти́хой и безмяте́жной жи́зни, да плáчуся о гресе́х мои́х. К кому́ бо прибе́гну пови́нный аз, áще не к Тебе́, уповáнию и прибе́жищу гре́шных, наде́ждою на неизрече́нную ми́лость Твою́ и щедро́ты Твоя́ окриля́емь? О, Влады́чице Цари́це Небе́сная! Ты мне уповáние и прибе́жище, покро́в и заступле́ние и по́мощь. Цари́це моя́ преблагáя и ско́рая засту́пнице! Покры́й Твои́м ходáтайством моя́ прегреше́ния, защити́ мене́ от враг ви́димых и неви́димых; умягчи́ сердца́ злых челове́к, возстаю́щих на мя. О, Мáти Го́спода моего́ Творцá! Ты еси́ ко́рень де́вства и неувядáемый цвет чистоты́. О, Богороди́тельнице! Ты подáждь ми по́мощь немощству́ющему плотски́ми страстьми́ и боле́знующему се́рдцем, еди́но бо Твое́ и с Тобо́ю Твоего́ Сы́на и Бо́га на́шего и́мам заступле́ние; и Твои́м пречу́дным заступле́нием да избáвлюся от вся́кия беды́ и напáсти, о Пренепоро́чная и Преслáвная Бо́жия Мáти Мари́е. Те́мже со уповáнием глаго́лю и вопию́: ра́дуйся, Благодáтная, ра́дуйся, Обрáдованная; ра́дуйся, Преблагословенная, Госпо́дь с Тобо́ю.
Перевод
который поется во всякой скорби душевной и бедствии
Творение Феостирикта монаха
Тропарь, глас 4
К Богородице усердно ныне прибегнем мы, грешные и убогие, и припадем к Ее стопам, в раскаянии взывая из глубины души: «Владычица, помоги, умилосердившись над нами, поспеши – мы погибаем от множества грехов. Не отпусти Твоих рабов ни с чем, ибо в Тебе мы имеем единственную надежду!»
Слава Отцу и Сыну и Святому Духу, и ныне и всегда и вовеки. Аминь.
Не перестанем никогда мы, недостойные, говорить о могуществе Твоем, Богородица, ибо, если 6ы не Ты стояла пред Богом, моля о нас, кто бы избавил нас от стольких бед, кто сохранил бы нас доныне свободными? Не отступим от Тебя, Владычица, ибо Ты всегда спасаешь рабов Твоих от всяких бедствий.
Псалом 50
Помилуй меня, Боже, по великой милости Твоей и по множеству щедрот Твоих изгладь все беззакония мои. Многократно омой меня от беззакония моего и от греха моего очисть меня, ибо беззакония мои я сознаю и грех мой всегда предо мною. Пред Тобою, пред одним Тобою согрешил я и лукавое пред Твоими очами сделал, так что Ты будешь праведен в приговоре Твоем и победишь, когда станешь судить. Вот, я в беззакониях зачат и во грехах родила меня мать моя. Вот, Ты возлюбил истину и открыл мне неведомые тайны премудрости Твоей. Окропишь меня иссопом, и очищусь; омоешь меня, и буду белее снега. Дай мне услышать радость и веселье, и возрадуются кости сокрушенные. Отврати лицо Твое от грехов моих и изгладь все беззакония мои. Сердце чистое воссоздай во мне, Боже, и дух правды возроди внутри меня. Не отвергни меня от лица Твоего и Духа Твоего Святого не отними от меня. Возврати мне радость спасения Твоего и Духом Владычественным утверди меня. Научу беззаконных путям Твоим, и нечестивые к Тебе обратятся. Избавь меня от крови, Боже, Боже, Спаситель мой, и язык мой в радости восхвалит правду Твою. Господь, открой уста мои, и уста мои возвестят хвалу Твою. Ибо если 6ы жертвы Ты пожелал – я принес бы ее; но к всесожжению Ты не благоволишь. Жертва Богу -дух сокрушенный; сердца сокрушенного и смиренного Бог не презрит. Подай благо, Господь, по благоволению Твоему Сиону, и да будут воздвигнуты стены Иерусалима. Тогда благоугодны будут Тебе жертва правды, возношение и всесожжение; тогда возложат на жертвенник Твой тельцов.
Канон, глас 8
Песнь 1
Ирмос: Пройдя через воду, как по суше, и избежав египетского зла, израильтянин восклицал: «Воспоем Избавителю и Богу нашему!»
Припев: Пресвятая Богородица, спаси нас.
Множеством напастей томимый я, в поисках спасения, прибегаю к Тебе: о Матерь Слова и Дева, от тяжких бедствий спаси меня!
Пресвятая Богородица, спаси нас.
Не дают мне покоя нападения страстей, наполняя душу мою глубоким унынием. Умиротвори, Отроковица, тишиной Сына и Бога Твоего, Всенепорочная.
Слава Отцу и Сыну и Святому Духу.
Тебя, родившую Спасителя и Бога, молю я, Дева, об избавлении меня от бедствий. И ныне к Тебе, прибегая, простираю я и душу, и помыслы.
И ныне и всегда и вовеки. Аминь.
Меня, болеющего и телом, и душой, удостой Божественного внимания и Твоего попечения, единственная Богоматерь, как Благодетельница и Благодетеля родившая.
Песнь 3
Творец того, что над нами, – небесного свода и Строитель Церкви; утверди меня в любви Твоей, Господь, предел стремлений, опора верующих, единственный Человеколюбец.
Пресвятая Богородица, спаси нас.
Защитой и покровом жизни моей считаю я Тебя, Богородительница Дева. Как кормчий, направь меня к пристани Твоей, виновница благ, опора верующих, одна, в песнях прославленная.
Пресвятая Богородица, спаси нас.
Молю Тебя, Дева, рассеять возмущенное состояние моей души и бурю моего уныния: ибо Ты, Богоневеста, единая Пречистая, родила источник тишины – Христа.
Слава Отцу и Сыну и Святому Духу.
Благодетеля родившая и Виновника благ, источи всем богатство благодеяния, ибо Ты, в Боге блаженствующая, все можешь, так как Ты родила мощного силой, Христа.
И ныне и всегда и вовеки. Аминь.
Дева, помоги Ты мне, мучимому тяжкими недугами и болезненными страданиями, ибо я знаю Тебя, Пренепорочная, как неоскудевающую и неиссякаемую сокровищницу исцелений.
Спаси от бед рабов Твоих, Богородица, так как мы все после Бога прибегаем к Тебе как к нерушимой стене и Защитнице.
Всеми в песнях восхваляемая Богородица, обрати Твой милостивый взор на мое тяжкое телесное страдание и исцели болезнь души моей.
Тропарь, глас 2
Горячая Молитвенница и стена неразрушимая, милости источник, миру прибежище! Мы усердно взываем к Тебе: «Богородица Владычица, поспеши и избавь нас от бед, единая скорая Защитница!»
Песнь 4
Услышал я, Господь, тайну замысла Твоего, уразу-
мел дела Твои и прославил Твое Божество. Пресвятая Богородица, спаси нас. Возмущение страстей моих и бурю прегрешений моих успокой, Богоневеста, родившая Кормчего – Господа.
Пресвятая Богородица, спаси нас.
Бесконечное Твое милосердие призывающему мне подай, родившая Милосердного Спасителя всех, воспевающих Тебя.
Пресвятая Богородица, спаси нас.
Наслаждаясь Твоими дарами Пречистая, мы воспеваем Тебе благодарственную песнь, признавая Тебя Богоматерью.
Слава Отцу и Сыну и Святому Духу.
Лежащему на одре моей болезни и немощи помоги, как любящая добро, Богородица, единственная Вечнодева.
И ныне и всегда и вовеки. Аминь.
Имея в Тебе надежду и опору и непоколебимую стену спасения, всеми в песнях воспеваемая, мы избавляемся от всякого затруднения.
Песнь 5
Просвети нас заповедями Твоими, Господь, и рукой Твоей вознесенной Твой мир даруй нам, Человеколюбец.
Пресвятая Богородица, спаси нас.
Наполни, Чистая, весельем сердце мое, давая мне Твою неразрушимую радость, ибо Ты родила Виновника радости.
Пресвятая Богородица, спаси нас.
Избавь нас от бед, Чистая Богородица, родившая вечное избавление и мир, превосходящий всякое разумение.
Слава Отцу и Сыну и Святому Духу.
Рассей туман моих грехов светом сияния Твоего, Богоневеста, родившая Божественный и предвечный Свет.
И ныне и всегда и вовеки. Аминь.
Исцели, Чистая, немощь моей души, удостоив меня Твоего внимания, и Твоими молитвами здравие подай мне.
Песнь 6
Молитву изолью ко Господу и Ему поведаю печали мои, ибо злом душа моя наполнилась, и жизнь моя ко аду приблизилась, и буду молиться, как Иона: «Избавь меня, Боже, от погибели».
Пресвятая Богородица, спаси нас.
Дева, моли Сына Твоего и Господа избавить меня от злодейства врагов, поскольку Он, Сам Себя предав на смерть, спас от смерти и разрушения мое существо, объятое смертью и разрушением. Пресвятая Богородица, спаси нас.
Я знаю Тебя, Дева, как Защитницу жизни и твердую Хранительницу, освобождающую от мятежа искушений и отгоняющую нападения бесов, и всегда молю Тебя спасти меня от моих гибельных страстей.
Слава Отцу и Сыну и Святому Духу.
Имея в Тебе, Отроковица, стену для укрытия, и душ всецелое спасение, и ослабление гнета скорбей, мы всегда радуемся свету Твоему. О Владычица, и ныне спаси нас от страстей и бед.
И ныне и всегда и вовеки. Аминь.
Ныне я лежу на одре в немощи, и нет исцеления плоти моей. Но я молю Тебя, Милостивую, родившую Бога, Спасителя мира и Исцелителя недугов: воздвигни меня от разрушительных болезней.
Кондак, глас 6
Надежная защита христиан, неизменное ходатайство пред Творцом, не отвергни молитвенных голосов грешников, но поспеши, Милостивая, на помощь нам, с верою восклицающим Тебе: «Поторопись на ходатайство, поспеши на молитву, Богородица, всегда защищающая почитающих Тебя!»
Другой кондак, глас тот же
Не имеем иной помощи, не имеем иной надежды, кроме Тебя, Пречистая Дева. Ты нам помоги, на Тебя надеемся и Тобою хвалимся, ибо мы – Твои рабы, да не потерпим стыда.
Стихира, глас тот же
Не вверяй меня человеческой защите, Пресвятая Владычица, но прими молитву раба Твоего, ибо скорбь объяла меня: я не могу терпеть бесовских стрел и, подвергаясь отовсюду нападениям врагов, не имею, несчастный, ни крова, ни убежища, кроме Тебя, Владычица мира, надежда и защита верующих. Не отвергни моей молитвы, но сделай так, чтобы она принесла пользу.
Песнь 7
Пришедшие из Иудеи юноши некогда в Вавилоне верой в Троицу попрали пламень в печи, воспевая: «Бог отцов, Ты благословен!»
Пресвятая Богородица, спаси нас.
Желая устроить наше спасение, Ты, Спаситель, вселился в утробу Девы и явил Ее заступницей миру. Бог отцов наших, Ты благословен!
Пресвятая Богородица, спаси нас.
Имеющего расположение к милости, Которого Ты родила, Чистая Матерь, умоли об избавлении от грехов и душевной нечистоты тех, кто с верой взывает: «Бог отцов наших, Ты благословен!»
Слава Отцу и Сыну и Святому Духу.
Родившую Тебя явил Ты сокровищницей спасения, источником бессмертия, надежной твердыней и дверью покаяния для взывающих: «Бог отцов наших, Ты благословен!»
И ныне и всегда и вовеки. Аминь.
Исцели, Богородительница, телесные слабости и душевные недуги приходящих с любовью к Твоему покрову, Дева, Спасителя Христа нам родившая.
Песнь 8
Царя Небесного, Которого воспевает ангельское воинство, восхваляйте и превозносите во все века. Пресвятая Богородица, спаси нас.
Не презри, Дева, нуждающихся в Твоей помощи, которые воспевают и превозносят Тебя вовеки. Пресвятая Богородица, спаси нас.
Ты исцеляешь, Дева, немощь души моей и телесные болезни, и я буду прославлять Тебя, Чистая, вовеки.
Слава Отцу и Сыну и Святому Духу.
Ты щедро изливаешь, Дева, исцеления с верой Тебя воспевающим и превозносящим неизъяснимое рождение Тобою.
И ныне и всегда и вовеки. Аминь.
Ты отгоняешь, Дева, нападения бед и нашествие страстей, поэтому мы воспеваем Тебя во все века.
Песнь 9
Мы, спасенные Тобой, Чистая Дева, провозглашаем Тебя истинной Богородицей, превознося Тебя вместе с хорами бесплотных Сил.
Пресвятая Богородица, спаси нас.
Не отвернись от текущих слез моих, Дева, родившая Христа, осушившего все слезы на всех лицах.
Пресвятая Богородица, спаси нас.
Радостью наполни сердце мое, уничтожая печаль грека, Дева, принявшая полноту радости.
Пресвятая Богородица, спаси нас.
Пристанью и защитой будь, Дева, к Тебе прибегающим, стеной несокрушимой, и убежищем, и покровом, и радостью.
Слава Отцу и Сыну и Святому Духу.
Разгоняя мрак неведения, просвети, Дева, сиянием Твоего света тех, кто благоверно исповедует Тебя Богородицей.
И ныне и всегда и вовеки. Аминь.
На месте страдания немощи упавшего духом, Дева, исцели и из больного преврати в здорового.
Стихиры, глас 2
Высшую небес и более чистую, нежели свет солнечный, избавившую нас от проклятия Владычицу мира песнопениями почтим.
От многих моих грехов изнемогает тело, изнемогает и душа моя. К Тебе я прибегаю, Благодатной: надежда потерявших надежду, Ты мне помоги.
Владычица и Мать Избавителя, прими молитву недостойных рабов Твоих и ходатайствуй за них пред Родившимся от Тебя. О Владычица мира, будь Ходатаицей!
Мы с усердием радостно поем ныне песнь Тебе, всеми в песнях прославленной Богородице. С Предтечей и всеми святыми моли, Богородица, Бога смиловаться над нами.
Все воинства Ангелов, Предтеча Господень, двенадцать апостолов и все святые с Богородицей, сотворите молитву, чтобы нам спастись.
Молитвы
Царица моя преблагая, надежда моя, Богородица, Которая принимает сирот и заступается за странников, скорбящих радость, обижаемых Покровительница! Ты видишь мою беду, видишь мою скорбь. Помоги мне, немощному, направь меня, странствующего. Ты знаешь мою обиду, облегчи ее, как Сама желаешь. Потому что не имею я другой помощи, кроме Тебя, ни другой защитницы, ни доброй утешительницы, только Тебя, о Богоматерь. Поэтому сохрани меня и покрой в веки вечные. Аминь.
К кому воззову, Владычица? К кому прибегну в горе моем, если не к Тебе, Царица Небесная? Кто плач мой и воздыхание мое примет, если не Ты, совершенно Непорочная, надежда христиан и прибежище нам, грешным? Кто лучше Тебя в напастях защитит? Потому услышь плач мой и обрати слух Твой ко мне, Владычица, Мать Бога моего, и не пренебреги мной, нуждающимся в Твоей помощи, и не отвергни меня, грешного. Вразуми и научи меня, Царица Небесная; не отступи от меня, раба Твоего, Владычица, за ропот мой, но будь мне Матерью и Защитницей. Вверяю себя милостивому покровительству Твоему: приведи меня, грешного, к тихой и спокойной жизни, чтобы оплакивать мне грехи мои. К кому прибегну я, виновный, как не к Тебе, упованию и прибежищу грешных, надеждой на несказанную милость Твою и милосердие окрыляемый? О Владычица, Царица Небесная! Ты мое упование и прибежище, покров, и защита, и помощь. Царица моя преблагая и скорая Заступница! Покрой Твоим ходатайством мои прегрешения, защити меня от врагов видимых и невидимых; умягчи сердца злых людей, восстающих на меня. О Матерь Господа моего Творца! Ты – корень девства и неувядаемый цветок чистоты. О Богородительница! Подай мне помощь, изнемогающему в плотских страстях и скорбящему сердцем, ибо одну Твою и с Тобой Твоего Сына и Бога нашего имею защиту; и Твоим пречудным заступничеством да избавлюсь от всякой беды и искушения, о совершенно непорочная и преславная Божья Матерь Мария. Потому с надеждой говорю и взываю: радуйся, Благодатная; радуйся, принявшая радость; радуйся, Преблагословенная, с Тобой Господь.