
Дни памяти
5 января
Преподобному Нифонту Кипрскому молятся от нападений бесовских, о прогнании лукавых духов, от наваждения и козней лукавого.
Тропарь преподобному Нифонту, глас 8
В тебе́, о́тче, изве́стно спасе́ся, е́же по о́бразу:/ прии́м бо крест, после́довал еси́ Христу́,/ и де́я учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бне Ни́фонт, дух твой.
Тропарь преподобному Нифонту, глас 1
Пусты́нный жи́тель, и во пло́ти а́нгел, и чудотво́рец яви́лся еси́, Богоно́се о́тче наш Ни́фонт,/ посто́м, бде́нием, моли́твою небе́сныя дарова́ния прии́м,/ исцеля́вши неду́жныя и ду́ши ве́рою приходя́щих ти./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеления.
Ин тропарь преподобному Нифонту, глас 8
Слез твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в у плодоноси́л еси́,/ и был еси́ свети́льник вселе́нней,/ сия́я чудесы́, Ни́фонт о́тче наш,/ моли́ Христа́ Бо́га спасти́ся душа́м на́шим.
Кондак преподобному Нифонту, глас 2
Чистото́ю душе́вною боже́ственно вооружи́вся,/ и непреста́нныя моли́твы,/ я́ко копие́ вручи́в кре́пко,/ пробо́л еси́ бесо́вская ополче́ния,/ Ни́фонт о́тче наш,/ моли́ непреста́нно о всех нас.
Величание преподобного Нифонта
Ублажа́ем тя,/ преподо́бне о́тче Ни́фонт,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.